შინაგან საქმეთა სამინისტროს ინსტრუქტორმა გიორგი გიორგაძემ ბავარიის ფედერალური მიწის სახელმწიფო საგამოძიებო სამსახურში (BLKA) გაიარა სასწავლო კურსი „ანალიზზე დაფუძნებული საპოლიციო საქმიანობის განხორციელება პრაქტიკაში“. ტრენინგი ევროკავშირის სისხლის სამართლის მართლმსაჯულების მხარდაჭერის პროექტის ორგანიზებით ჩატარდა.
სსიპ - საქართველოს შსს აკადემიაში მიმდინარე წლის 01 მაისიდან 10 მაისის ჩათვლით დაგეგმილია მართლწესრიგის ოფიცერთა შესარჩევ კონკურსში მონაწილე პირთა ტესტირება. კანდიდატები აკადემიაში უნდა გამოცხადდნენ წარმოდგენილი გრაფიკის მიხედვით და თან უნდა იქონიონ პირადობის დამადასტურებელი მოწმობები.
სსიპ - საქართველოს შსს აკადემიაში მიმდინარე წლის 3 - 5 აპრილს განხორციელებულ მესაზღვრეთა შესარჩევ კონკურსში მონაწილე იმ კანდიდატებისთვის, რომლებმაც წარმატებით გაიარეს ტესტირების ეტაპი, მ/წ 22 აპრილიდან 3 მაისის ჩათვლით ჩატარდება გასაუბრების ეტაპი.
გასაუბრება განხორციელდება რამდენიმე ნაკადად. სსიპ - საქართველოს შინაგან საქმეთა სამინისტროს აკადემიაში კანდიდატები უნდა გამოცხადდნენ წარმოდგენილი გრაფიკის მიხედვით პირადობის დამადასტურებელი მოწმობებით.
შინაგან საქმეთა სამინისტროს აკადემიაში პოლიციელთა საბაზისო სპეციალური საგანმანათლებლო პროგრამის მსმენელებმა პოლიციელის ფიცი დადეს.
ფიცის დადების ცერემონიაზე შინაგან საქმეთა სამინისტროს აკადემიის რექტორმა ივანე პაპიაშვილმა მომავალ პოლიციელებს სასწავლო პროგრამის დაწყება მიულოცა და წარმატება უსურვა.
შინაგან საქმეთა სამინისტროს აკადემიას ბელარუსის შს მინისტრის აპარატის რეფორმირებისა და განვითარების განყოფილების თანამშრომლები - მიხაილ ბალუხტინი და ალექსეი ლეპიოხინი ეწვივნენ.
აკადემიის თანამშრომლებმა სტუმრებთან სასწავლო პროცესის ორგანიზაციული მოწყობის საკითხებზე შეხვედრა გამართეს.
