მკითხველებს ემსახურება თანამედროვე ტექნოლოგიებით აღჭურვილი სააბონენტო და სამკითხველო დარბაზი, სადაც ხორციელდება შემდეგი სერვისები:

• ელექტრონული კატალოგის დახმარებით სასურველი წიგნის მოძიება/დაჯავშნა/გატანა;
• საერთაშორისო ელექტრონული რესურსების გამოყენება;
• ელექტრონული წიგნებისა და სასწავლო მასალის ადგილზე წაკითხვა-დამუშავება;
• მკითხველთათვის დამხმარე სასწავლო და მხატვრული ლიტერატურის შეთავაზება.

წიგნადი ფონდის მუდმივი შევსება-განახლება პრიორიტეტული ამოცანაა და ხორციელდება დაინტერესებული პირის (ლექტორი, ინსტრუქტორი, სტუდენტი) კონკრეტული მოთხოვნის საფუძველზე. შსს-ს აკადემიის ბიბლიოთეკის წიგნადი ფონდი მოიცავს უახლეს სამართლებრივ ლიტერატურას როგორც ქართულ, ისე უცხო ენებზე.

• მკითხველთა სრულყოფილი მომსახურების მიზნით ბიბლიოთეკას ურთიერთობა აქვს სხვა უმაღლესი სასწავლებლების ბიბლიოთეკებთან და ადგილობრივ თუ საერთაშორისო ორგანიზაციებთან;
• შსს-ს აკადემია არის საქართველოს საბიბლიოთეკო ასოციაციის წევრი;
• გაწერილი გრაფიკით ბიბლიოთეკა მასპინძლობს სხვადასხვა დონის დელეგაციებს.

მსმენელთა სრულფასოვანი განვითარებისათვის ერთ-ერთი მნიშვნელოვანი სერვისი კულტურულ-შემეცნებითი ღონისძიებების შეთავაზება გახლავთ. ამ მიმართულებით ჩატარდა და სამომავლოდ იგეგმება:

• ინტელექტუალური თამაშები;
• საჯარო შეხვედრები საზოგადო მოღვაწეებთან;
• პრეზენტაციები აქტუალურ თემებზე;